सिन्धुपाल्चोक पहिरोमा परी ज्यान गुमाउनेको संख्या २४ पुग्यो

सिन्धुपाल्चोक,

सिन्धुपाल्चोक पहिरोमा परी ज्यान गुमाउनेको संख्या २४ जना पुगेको छ । सिन्धुपाल्चोकको जुगल गाउँपालिका वडा नं २ लिदीमा शुक्रबार गएको पहिरोमा पुरिएर मृत्यु हुनेको संख्या २४ पुगेको हो । ७२ वर्षीया श्रीमाई दोङ र ८७ वर्षीया धनलक्ष्मी दोङको शव भेटिएपछि मृतक बढेको इलाका प्रहरी कार्यालय जलवीरेका प्रहरी निरीक्षक हरि भट्टराईले जानकारी दिए ।

पहिरोमा बेपत्ता १५ जनाको नेपाली सेना, नेपाल प्रहरी र सशस्त्र प्रहरी बलद्वारा खोजी भइरहेको प्रहरी निरिक्षक भट्टराईले जनाएको छ । उक्त ठाउँमा पानी पर्ने क्रम नरोकिएकाले खोजीमा कठिनाइ भइरहेको प्रहरीको भनाई छ ।

https://www.youtube.com/watch?v=cgvMEQ0rnTw&t=1709s