समाचारस्थानीयहेडलार्इन

धरानको मेयर हर्क साम्पाङ धरानवासीलाई पानी खुवाउन भन्दै शनिबार पकुवा खोलामा सयौं जनता पुगे खोलामा (भिडियो सहित)


धरान,koshipost.com

धरानको मेयर हर्क साम्पाङ राई धरानवासीलाई पानी खुवाउन भन्दै शनिबार पकुवा खोला पुगेपछि सयौं जनता जनश्रमदान गर्न पकुवा खोला पुगेका थिए । मेयर साम्पाङ राईले धरान(२० विष्णुपादुकास्थित पकुवा खोलाबाट पानी ल्याउने घोषणा गरेपछि धराने जनताले पनि स्वतस्फुर्तरुपमा साथ दिदै आएका छन् ।


पकुवा खोलाबाट थपिएको पानीले धरान–११ र १७ का बासिन्दालाई सहज हुनेछ । त्यस वडालाई फाईदा हुने भएपनि अन्य वडाका बासिन्दाको पनि जनश्रमदान गर्न पकुवा खोलामा आउने गरेको मेयर साम्पाङ राईले बताए । स्वतस्फुर्तरुपमा जनश्रमदान गर्न पुगेका मानिसको नाम खातामा हेर्दा धरान ६ पानबारीका जनता समेत पुगेको देखिएक थिए ।


धरानबासीको पानीको समस्या समाधान गर्नका लागि राहत पुगोस् भनेर श्रमदान गर्न आएको धरान–८ की दुर्गादेवी राईले बताईन् । यस्तै, धरान–१५ बाट आएका दुर्गा मगरले श्रमदान गर्दा धरानबासीले पानी खान पाउने भएपछि जाँगर देखाएको बताए । धरान–६ पानबारीकी समला राईले धरानवासीलाई सहयोग होस् भनेर स्वतस्फुर्तरुपमा आइपुगेको बताइन् ।


शनिबार ट्याङ्की निर्माणका लागि मेयर साम्पाङसहित जनताले गिटी कुटेका थिए । यस्तै,वालुवा, सिमेन्ट, पाइप समेत बोकेका थिइ । मित्रीलाई सहयोग गर्न मसला बनाउन, मसला बोक्न पनि सघाएका थिए । केही धरानबासीले खाजा नास्ता संगै चना, चिउरा, पेय पदार्थ, चिया, बिस्कुट, चाउचाउ समेत बोकेर पुगेका थिए ।

744
Tags

Related Articles

Leave a Reply

Your email address will not be published.

Back to top button