धरान,koshipost.com
नेपालका चर्चित पप गायक सुगम पोखरेल धरान एक्स्पोको सातौं दिनका प्रमुख आकर्षणको ?पमा प्रस्तुत हुने भएका छन् । सुनसरी उद्योग वाणिज्य संघको आयोजनमा धरान रङ्गशालामा फागुन ११ बाट जारी एक्सपोमा आज गायक पोखरेलले आफ्ना साङ्गीतिक प्रस्तुति दिने एक्स्पोका संयोजक गोपाल श्रेष्ठले जानकारी दिए ।
गायक पोखरेलका ‘फेरी त्यो दिन’, ‘पाठशाला’, ‘जाँदै छु टाढा’, ‘सम्हालिन्छ कहिले मन’, ‘रहर छ सँगै’, ‘जिन्दगी नै भन्दिन’ लगायतका गीत चर्चित छन् । बजारमा आठ वटा एल्बम ल्याइसकेका उनी गायक, सङ्गीतकार र रचनाकारका रुपमा नेपाली साङ्गीतिक क्षेत्रमा निरन्तर साधना गरिरहेका छन् ।
साँझ ६ बजे देखि सु? हुने साङ्गीतिक कार्यक्रममा गायक पोखरेलसँगै स्थानीय कलाकार र समूहको प्रस्तुति रहनेछ । नेपाल, भारत, बंग्लादेश र पाकिस्तानका एक सय २३ स्टल अवलोकन गर्न सकिने एक्स्पोमा समिर श्रेष्ठ, छेवाङ लामा, राजेशपायल राई, आस्था राउत, दीपक लिम्बू र डिल्ली फोम्बोले आ–आफ्नो प्रस्तुति दिइसकेका छन् । सुनसरीको व्यवसायीक, व्यापारिक, औद्योगिक, कृषि र पर्यटन प्रवद्र्धनका लागि सञ्चालन भइरहेको एक्स्पो फागुन २० गतेसम्म आयोजना हुनेछ ।
