२०८१ आगमी वैशाख १५ गते ईलाम क्षेत्र न २ मा हुन लागेको उपनिर्वाचनमा सुहाङ नेम्बाङलाई जिताउन धरानमा अभियान शुरु गरिएको छ । सुहाङ नेकपा एमाले र नेकपा माओवादी केन्द्रबाट संयुक्त उम्मेद्वार बनेका छन् । चुनावी महोल ताते संगै धरानका नेकपा एमाले पार्टीका नेता तथा कार्यकर्ताहरु सुहाङ नेम्बाङलाई जिताउन धरानबाट अभियान शुरु गरेका छन् ।
नेकपा एमाले धरान नगर कमिटी, नेकपा माओवादी केन्द्र धरान नगर कमिटी र सुनसरी(इलाम सम्पर्क मन्चको सयुक्त आयोजनामा सुहाङलाई जिताउन अभियान शुरु गरिएको हो । अभियानबारे मङ्गलबार धरानमा आयोजित छलफल एवं पत्रकार भेटघाट कार्यक्रममा कोशी प्रदेश सांसद यशोदा कायस्थले सुहाङलाई जिताउन सबै लाग्नु पर्ने बताइन् । एमाले कोशी प्रदेश सदस्य कृष्ण शाहले सुहाङ अन्य उमेद्ववारको तुलनामा योग्य रहेकोले ईलामबासी मतदाताले जिताउने दाबी समेत गरे ।
दिबङगत नेता सुबास नेम्बाङले ईलामको समृद्धिको लागि देखेको अधुरा सपना पुरा गराउन सुहाङको जित अपरिहार्य रहेको उनले बताए । एमाले धरान नगर अध्यक्ष हर्कजङ एभेङले एमालेका दिवङगत नेता सुबास नेम्बाङको सम्मानको लागि पनि सुहाङलाई चुनावमा जिताउनु पर्ने बताए । उनले सुहाङ जिताउ अभियानमा धरानमा बसोबास गर्ने सम्पूर्ण ईलामेलीहरु लाग्नु पर्ने बताउदै पार्टीको तर्फबाट पनि अभियान सन्चालन गर्ने बताए ।
एमाले धरान नगर उपसचिब तथा युवा नेता दिवश राईको समयोजकत्वमा ५ सदस्य चुनाव प्रचार प्रसार परिचालन सहयोग समिति गठन गरिएको र उक्त समिति अहिले ईलामको निर्वाचन क्षेत्रमा परिचालन भइसकेको पनि अध्यक्ष एभेङले जानकारी दिए ।
